شبكة عربية شاملة لكل شيئ
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 

 


Rechercher بحث متقدم
المواضيع الأخيرة
» كيفية عمل البيتزا ونصائح عنها
الخميس نوفمبر 30, 2017 8:12 pm من طرف Admin

» محبوبة محبوبة
الأربعاء نوفمبر 29, 2017 5:31 pm من طرف Admin

» يامستجيب الدعاء
الأربعاء نوفمبر 29, 2017 5:27 pm من طرف Admin

» اعذروني ياناس
الأربعاء نوفمبر 29, 2017 5:25 pm من طرف Admin

» طريقة تبيض البشرة كالبيض
الأربعاء نوفمبر 29, 2017 5:19 pm من طرف Admin

» شعر حب وغزل منوع
الأربعاء نوفمبر 29, 2017 5:14 pm من طرف Admin

» طيور الجنة ياعالمنا
الأحد أكتوبر 01, 2017 3:46 pm من طرف Admin

» ﻛﻠﻤﺎﺕ ﺃﻧﺎﺷﻴﺪ لين الصعيدي
الجمعة مارس 03, 2017 6:59 pm من طرف Admin

» غصب عني حبيتها
الجمعة مارس 03, 2017 6:37 pm من طرف Admin

التاريخ واليوم
النجوم

شاطر | 
 

 ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
برعي بله
المستوى:5
avatar

عدد المساهمات : 214
عدد النقاط : 2062

مُساهمةموضوع: ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ   الإثنين أبريل 04, 2016 9:56 pm

ﻣﻨﻮ ﺍﻟﻘﺎﻝ ﺍﻟﻘﺮﺍﻳﺔ ﻛﺘﺎﺏ ﺑﺮﺟﻞ
ﻭﻣﺴﻄﺮﺓ ﻭﺷﻨﻄﺔ
ﻭﻣﻨﻮ ﺍﻟﻘﺎﻝ ﺍﻟﻌﻠﻢ ﺑﻴﻨﻴﺮ ﻋﻘﻮﻻ ﺍﻟﻠﻪ
ﻳﻮﻡ ﺳﺨﻄﺎ
ﺟﻤﺎﻝ ﻭﺣﻼﻭﺓ ﺍﻟﺘﻌﻠﻴﻢ ﻳﺒﻞ ﻓﻲ ﺣﺎﻟﺔ
ﺍﻟﻐﻠﻄﺔ
ﻭﻳﻮﺭﻳﻚ ﻛﻴﻒ ﺗﻌﺎﻣﻞ ﺍﻟﻨﺎﺱ ﻭﺗﻤﺤﻲ
ﺍﻻﺭﺗﻜﺒﺘﻮ ﺧﻄﺄ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ ﺳﻠﻮﻙ
ﺍﻟﻄﺎﻟﺒﺔ ﻓﻲ ﺍﻟﻌﻔﺔ
ﻭﺯﻣﺎﻥ ﺍﻟﻮﺍﺣﺪﺓ ﻛﺎﻥ ﺑﺘﺨﺎﻑ ﺗﻘﺎﺑﻞ
ﺍﺳﺘﺎﺫﺍ ﺑﺎﻟﺼﺪﻓﺔ
ﺗﺨﺎﻑ ﻣﻦ ﻣﺮﻗﺔ ﺍﻟﺪﻛﺎﻥ ﻭﻗﻮﻟﺔ
ﺍﺩﺧﻠﻲ ﻳﺎﻗﺼﻔﺔ
ﻭﻟﻮ ﺷﺎﻓﺖ ﺧﻴﺎﻝ ﺍﺳﺘﺎﺫ ﺗﺰﻭﻕ
ﻭﺗﻜﻤﻞ ﺍﻟﻠﻔﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺍﺳﻊ ﻭﻳﻦ ﺑﻘﻲ ﺍﻻﺳﺘﺎﺫ ﻓﺎﻳﺖ ﺍﻟﻄﺎﻟﺒﺔ
ﻓﻲ ﺍﻟﺨﻔﺔ
ﻭﺗﻠﻘﻲ ﺑﻼ ﺧﺠﻞ ﻣﻨﺪﺍﺡ ﻭﻻﺑﺲ ﻓﻲ
ﺍﻟﻴﻤﻴﻦ ﺣﺮﻓﺎ
ﻳﻜﻠﻤﺎ ﻋﻦ ﻣﻌﺎﻧﻲ ﺍﻟﺤﺐ ﻳﺒﺎﻟﻎ ﺿﻤﺎ
ﻓﻲ ﻭﺻﻔﺎ
ﻭﻳﻌﺰﻣﺎ ﻓﻲ ﺿﻔﺎﻑ ﺍﻟﻨﻴﻞ ﻭﻳﻀﺤﻚ
ﺭﺍﻓﻊ ﺍﻟﻜﻠﻔﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺯﻣﻦ ﺑﻘﺖ ﺍﻟﻘﺮﺍﻳﺔ ﻗﺮﻭﺵ ﺷﻌﺎﺭ
ﺍﻟﻤﺪﺭﺳﺔ ﺍﻟﺨﺎﺻﺔ
ﺍﻋﻼﻧﺎﺕ ﻭﺍﻏﺮﺍﺀﺍﺕ ﻭﺃﻭﻋﻲ ﺗﻔﻮﺗﻚ
ﺍﻟﻔﺮﺻﺔ
ﺧﺼﺨﺼﺔ ﺣﺘﻲ ﻓﻲ ﺍﻟﺘﻌﻠﻴﻢ ﻣﻌﻠﻢ
ﺭﺍﺗﺒﻮ ﺑﺎﻟﺤﺼﺔ
ﻣﻌﻠﻢ ﻭﻻ ﺣﺎﻓﺮ ﺍﺑﻴﺎﺭ ﻳﺼﺮﻑ ﺍﻟﺤﺼﺔ
ﺑﺎﻟﺤﺼﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺯﻣﺎﻥ ﻭﻛﺘﻴﻦ ﻗﺮﻳﻨﺎ ﻳﻤﻴﻦ ﺗﺨﺎﻑ ﻣﻦ
ﻧﻈﺮﺓ ﺍﻷﻟﻔﺔ
ﺗﻜﻮﻥ ﺣﺎﻓﻆ ﻳﺠﻲ ﺍﻟﺘﺴﻤﻴﻊ ﺗﻨﺴﻲ
ﺍﻟﺤﺎﻓﻈﻮ ﺑﺎﻟﺨﻮﻓﺔ
ﺗﻘﻨﺐ ﻻ ﺧﺒﺮ ﻻ ﺣﺲ ﺗﺮﺟﻲ ﺍﻟﻔﺴﺤﺔ
ﺑﻲ ﻟﻬﻔﺔ
ﻫﺴﻊ ﻭﻳﻦ ﺑﻘﻲ ﺍﻟﻄﺎﻟﺐ ﻳﻘﺎﺳﻢ
ﺍﺳﺘﺎﺫﻭ ﻓﻲ ﺍﻟﺴﻔﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺯﻣﺎﻥ ﺍﻟﻨﺎﺱ ﺗﻌﺎﻧﻲ ﺳﻨﻴﻦ ﻋﺸﺎﻥ ﻣﺎ
ﺗﺪﺧﻞ ﺍﻟﺠﺎﻣﻌﺔ
ﻭﻛﺎﻧﻮﺍ ﺑﻴﻘﺮﻭﺍ ﺑﺎﻟﻔﺎﻧﻮﺱ ﻭﻟﻤﺒﺔ ﺟﺎﺯ
ﻭﻣﻮ ﺷﻤﻌﺔ
ﺗﻠﻘﻲ ﻋﻴﻮﻧﺎ ﺑﺎﻟﺪﺧﺎﻥ ﻣﺤﻤﺮﺓ ﺗﻘﻄﺮ
ﺍﻟﺪﻣﻌﺔ
ﻭﻟﻤﺎ ﺗﻬﺐ ﺭﻳﺎﺡ ﻭﺗﻤﻮﺕ ﺗﻘﻮﻡ ﻭﺍﻗﻒ
ﺑﻼ ﺗﻮﻋﺎ
ﺗﻠﺰ ﺑﺎﺏ ﺍﻟﺘﻜﻞ ﻋﺠﻼﻥ ﻗﺒﻞ ﻣﺎ ﺗﻄﻠﻖ
ﺍﻟﺸﺮﻋﺔ
ﻭﺗﺪﺧﻞ ﺣﺎﻓﻲ ﺣﻠﻖ ﺍﻟﻨﺎﺭ ﻋﺸﺎﻥ ﻣﺎ
ﺗﻔﺘﺶ ﺍﻟﻮﻟﻌﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﻗﺪﺭ ﺍﻟﻜﺎﻥ ﺣﻔﻈﺘﻮ ﻳﺮﻭﺡ ﺗﺤﻮﺹ
ﻭﺗﻨﻮﺱ ﻗﺮﻳﺐ ﺳﺎﻋﺔ
ﺗﻤﺮﻕ ﺍﻳﺪﻙ ﻣﻦ ﺍﻟﺠﺎﻟﻮﻥ ﺗﺪﻟﻖ
ﺍﻟﺴﻤﻨﺔ ﻓﻲ ﺍﻟﻘﺮﻋﺔ
ﺗﻜﻮﻥ ﺃﻣﻚ ﻫﻨﺎﻙ ﻗﺎﻣﺖ ﺗﻘﻮﻝ ﻟﻚ ﻳﺎ
ﻭﻟﺪ ﺃﻭﻋﺎ
ﻭﺗﻌﺎﻝ ﻣﻨﺴﻞ ﻛﺸﺤﺖ ﺷﻨﻮ ﻭﻳﺠﻴﻚ
ﻋﻘﺎﺏ ﻛﻼﻣﺎ ﺩﻋﺎ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﺍﻧﺎ ﺧﻠﻴﻨﻲ ﻳﻤﻜﻦ ﺟﻴﺖ ﻓﻲ ﺯﻣﻦ
ﺍﻧﻄﻼﻕ ﺳﺮﻋﺔ
ﺍﺑﻮﻱ ﻣﻦ ﻗﺎﻡ ﺻﻐﻴﺮ ﺩﺭﻓﻮﻥ ﻣﺎﺳﻚ
ﺃﻭﻝ ﺍﻟﺪﻓﻌﺔ
ﻭﻳﻮﻡ ﺫﺍﻋﻮ ﺍﻟﻤﺬﻳﻊ ﻓﻲ ﺍﻟﺮﺍﺩﻱ ﻫﺰﺕ
ﻭ ﻓﺮﺣﺖ ﺍﻟﻘﻠﻌﺔ
ﻭﻧﺠﺎﺣﻮ ﻣﻮ ﻧﺠﺎﺡ ﺍﻧﺴﺎﻥ ﺻﺒﺮ ﺷﺎﻥ
ﻳﺪﺧﻞ ﺍﻟﺠﺎﻣﻌﺔ
ﻭﻧﺠﺎﺣﻮ ﻧﺠﺎﺡ ﺑﻠﺪ ﺑﻲ ﺣﺎﻻ ﻣﻨﻬﺎ ﺃﻭﻝ
ﺍﻟﺪﻓﻌﺔ
** ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ **
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
ﻧﺤﻦ ﻗﺮﻳﻨﺎ ﺑﻲ ﺍﻟﻌﺮﺍﻗﻲ ﻭﺍﻧﺘﻮ ﻗﺮﻳﺘﻮ
ﺑﺎﻟﻠﺒﺴﺔ
ﻧﺤﻦ ﻗﺮﻳﻨﺎ ﺑﺎﻟﻔﺎﻧﻮﺱ ﻭﺍﻧﺘﻮ ﻗﺮﻳﺘﻮ
ﺑﺎﻟﻠﻤﺒﺔ
ﻭﺍﻧﺘﻮ ﻗﻌﺪﺗﻮ ﻓﻲ ﺍﻷﺩﺭﺍﺝ ﻭﻧﺤﻨﺎ
ﻗﻌﺪﻧﺎ ﻓﻲ ﺍﻟﻜﻨﺒﺔ
ﻭﺭﻏﻢ ﺍﻧﻮ ﺍﻟﻠﺒﺲ ﻋﺮﺍﻗﻲ ﻛﺎﻧﻮ ﺑﻘﻮﻟﻮ
ﺩﻳﻞ ﻃﻠﺒﺔ
ﻭﺑﺮﺿﻮ ﺗﻘﻮﻟﻲ ﻟﻲ ﺑﻘﺮﺍ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ﺣﻠﻴﻞ ﺯﻣﻦ ﺍﻟﻘﺮﺍﻳﺔ ﺯﻣﺎﻥ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ريمكس :: ترفـيه :: الادب و الشعر-
انتقل الى: